top of page
Search
  • Vorstand Platta Pussenta

Lecziun da scola davart neofitas – 25 d’uost 2023

Updated: Feb 9

Ils 25 d’uost 2023 han scolaras e scolars dalla 5. e 6avla classa da Sagogn e Schluein astgau guder ina instrucziun zun speciala. Ensemen cun Lisa Zimmermann (insch. ambientala FH, management da neofitas), ha la fundaziun Platta Pussenta organisau ina lecziun da neofitas, e quei giu egl uaul dalla Cauma sper il Rein.

 

Finamira eis ei stau ch’ils scolars ed era ils scolasts emprendien dapli dalla tematica dallas neofitas invasivas, pertgei che quellas ein aschi problematicas e daco ch’ins duess cumbatter ellas.

 

A moda interactiva ha Lisa Zimmermann avischinau alla problematica dallas plontas jastras invasivas che sederasan e che scatschan las indigenas. Suenter l’introducziun han ils scolars gia astgau vegnir activs sezs. El territori dalla Cauma ein els semess alla tscherca da neofitas, quellas han els lu astgau scarpar ora, rimnar e deponer en in contenider special da dismetter neofitas. Ils affons ein stai fetg interessai ed era motivai da luvrar culs mauns cun scarpar ora las invasivas problematicas.

 

In grond engraziament a scolaras e scolars sco era lur persunas d’instrucziun dalla scola da Sagogn e Schluein per lur grond engaschi.











1 view0 comments

Recent Posts

See All
bottom of page