Historia dil project

Gl’onn 1999 ha ina gruppa d’iniziativa entuorn gl’anteriur cuss. naz. Dr. Martin Bundi (*1932-+2020) lantschau l’idea d’in project per tgirar e cultivar la zona neutrala cullas sendas denter ils vitgs Falera, Laax, Sagogn e Schluein. Cun dr. Martin Bundi, Sagogn/Cuera, ha Ignaz Cathomen, scolast secundar, translatur pensiunau e promotur da cultura, da Falera, s’udiu tiels iniziants. La finanziaziun principala dil Project da 2002 tochen 2007 han il Fondo cuntrada svizra, la Fundaziun svizra pil schurmetg dalla cuntrada, la Fundaziun Pro Laax sco era las quater vischnauncas politicas Falera, Laax, Sagogn e Schluein pussibilitau.

Activitads, collaboraziun cullas vischnauncas

Cu il project ei ius a fin han representants dallas vischnauncas statuiu quella sco fundaziun. Sco capital han els duvrau ils 5000 francs ch’eran restai dil Project. La fundaziun ei registrada cul suandont intent: "Langfristige Hege und Pflege der Natur- und Kulturlandschaft im Einzugsgebiet des Projektes. Insbesondere sollen Weiden vom Einwachsen bewahrt werden, zudem sollen wertvolle Biotope gefördert und Hecken jährlich gepflegt werden.» 

Las vischnauncas Falera, Laax, Sagogn e Schluein ein stadas involvadas naven dall’entschatta el Project Platta Pussenta. Per contonscher las finamiras ei la collaboraziun cun quellas stada d’impurtonza decisiva. Las vischnauncas han era concediu persuenter contribuziuns finanzialas.