PLATTA
PUSSENTA
Project fini
La fundaziun Platta Pussenta collavura regularmein cullas uniuns dils vitgs da tuttas quater vischnauncas. Quellas astgan s’annunziar per lavurs cumina. L’acziun d’in ni plirs gis vegn indemnisada cun ina contribuziun ella cassa dall’uniun. Ei vegn segau, fatg uorden e tgirau, culla finamira d’impedir che las surfatschas creschien en.
​
Mirs schetgs
Gl’atun 2014 havein nus entschiet a Schluein cul project da restaurar in custeivel e marcant mir schetg. Tals object ella cuntrada ein impurtonts elements, els dattan suttetg e schurmetg a biaras creatiras pintgas.
​
La restauraziun da quei mir ha cuzzau bunamein treis onns. La lavur ha custau bia, inagada dallas finanzas ed era dil persunal. La lavur han ins era buca vuliu far en ina gada per pussibilitar a fauna e flora da prender domicil tec a tec domicil el mir restaurau. Gl’onn 2016 han ins tschentau il davos crap dil mir cun sustegn dalla vischnaunca da Schluein.
​
Documentaziun dalla moda e maniera da construir clavaus
​
Gl’anteriur pur da Falera Meinrad Casutt ha, en collaboraziun cun Augustin Beeli e Raimund Blumenthal, documentau la moda e maniera da construir clavaus ella cuntrada da Platta Pussenta. Igl ein baghetgs arcaics e sempels ch’ein caracteristics per la cuntrada cultivada. Tals clavaus construevan ins dapertut per trer a néz direct el liug la racolta.